"ადამიანი გახდა ღმერთის საზომი და არა პირიქით" - ანდრო დგებუაძე
ადამიანია ყველაფრის საზომი - ის, რაც დღეს ბრენდინგის სახით გვევლინება მენეჯმენტის თეორიაში რეალურად სათავეს ანტიკურ საბერძნეთში იღებს, - ამის შესახებ ფილოსოფოსი, ანდრო დგებუაძე აცხადებს.
„ადამიანია ყველაფრის საზომი - ის რაც დღეს ბრენდინგის სახით გვევლინება მენეჯმენტის თეორიაში რეალურად სათავეს ანტიკურ საბერძნეთში იღებს, სადაც ადამიანმა გაბედა ინდივიდუალობა, გაბედა შემეცნება და ფაქტობრივად გააღმერთა კიდეც თავად შემეცნება.
ადამიანი გახდა ღმერთის საზომი და არა პირიქით. ამ საზრისმა ევოლუციური გზა გაიარა. თავიდან ის ინტერპრეტირდებოდა როგორც - „ყველაფერი შედარებითია და ფარდობითი“. ბოლოს კი გახდა - „ყველაფერი უნდა ჰგავდეს ჩემში ჩემზე მეტს“. აი აქ ჩნდება არსის და ფორმის გახლეჩა სადაც არსი ხდება ერთი და საყოველთაო, ხოლო ფორმა ათასფერი და თავისუფალი", - აცხადებს დგებუაძე.
