აქონდროპლაზიის დიაგნოზის მქონე ბავშვების მშობლები საპროტესტო აქციებს წყვეტენ
აქონდროპლაზიის დიაგნოზის მქონე ბავშვების მშობლები საპროტესტო აქციებს წყვეტენ. აღნიშნული გადაწყვეტილება მათ ჯანდაცვის სამინისტროში მორიგი შეხვედრის შემდეგ მიიღეს.
იშვიათი დაავადებების საკითხზე მომუშავე საკოორდინაციო საბჭოს მორიგი სხდომის შემდეგ ერთ-ერთმა მშობელმა, სალომე გაბელაშვილმა ჟურნალისტებს განუცხადა, რომ კონკრეტული პასუხი მოისმინეს მედიკამენტ „ვოსორიტიდთან“ დაკავშირებულ პროტოკოლზე, რომლის მიხედვითაც, გაიდლაინი მაისის ბოლოსთვის იქნება მზად.
მშობლების განცხადებით, ჯანდაცვის სამინისტროსთან ერთად, საკითხთან დაკავშირებით პროცესში თავადა იქნებიან ჩარული.
აქონდროპლაზიის დიაგნოზის მქონე ბავშვების მშობლები აქციებს აპრილის დასაწყისიდან მართავდნენ. ისინი აქონდროპლაზიის სამკურნალო მედიკამენტ „ვოსორიტიდის“ საქართველოში შემოტანასა და სახელმწიფოს მიერ მკურნალობის დაფინანსებას ითხოვენ.
