ხერსონში, ტროლეიბუსზე რუსული თავდასხმის შედეგად დაღუპულთა რიცხვი გაიზარდა
ხერსონში ტროლეიბუსზე რუსული თავდასხმის შედეგად დაღუპულთა რიცხვი ორამდე გაიზარდა - როგორც უკრაინული მედია წერს, კიდევ ერთი მგზავრი დაიღუპა.
"სამწუხაროდ, ტროლეიბუსზე რუსული თავდასხმის შედეგად დაშავებული ხერსონელ 57 წლის კაცს გული საავადმყოფოში გაუჩერდა. ვუსამძიმრებ მის ოჯახს," - წერს ხერსონის რეგიონული სამხედრო ადმინისტრაციის ხელმძღვანელი.
ცნობისთვის, დღეს, 19 სექტემბერს, რუსი ოკუპანტები ხერსონს დაესხნენ თავს და ცეცხლი ტროლეიბუსს გაუხსნეს, რის შედეგადაც 49 წლის პოლიციის სერჟანტიც დაიღუპა.
