ქართველი ემიგრანტი, რომელმაც მსოფიოს ნაძვის ხის მინის სათამაშოები აჩუქა - რაჭველი ბიჭის გზა თავბრუდამხვევ ამერიკულ ცხოვრებამდე

ის, რომ დღეს ნაძვის ხის მინის სათამაშოებით მორთვის ტრადიცია მთელს მსოფლიოს აერთიანებს, ქართველი ბიზნესმენის დამსახურებაა. გრიგოლ კობახიძე, იგივე ჯორჯ კობი იყო ის, ვინც 1945 წელს ნაძვის ხის მინის სათამაშოები აშშ-ში შექმნა და დღეს მსოფლიო ნაძვის ხის მინის სათამაშოები სწორედ ქართველი გამომგონებლის დამსახურებით ირთვება.

 გრიგოლ კობახიძე, იგივე ჯორჯ კობი 1883 წ. ამბროლაურის რაიონის სოფელ თხმორში დაიბადა. აშშ-ში წასვლამდე ის ძმასთან ერთად ბორჯომში, მინის ქარხანაში მუშაობდა. ის ამ პერიოდში დაეუფლა ყველა ტექნოლოგიას, რაც ქარხანაში იყო და პროდუქციის გაზრდის მეთოდი შეიმუშავა. კობახიძე შემდეგ ჯერ თბილისის, 1902 წელს კი ოდესის მინის ქარხანაში გადავიდა სამუშაოდ. 1903 წლიდან მუშაობდა კრასნოდარის გუბერნიაში, დონბასის სამრეწველო ცენტრ კონსტანტინოვკის მინის ქარხანაში.

1907 წელს გრიგოლ კობახიძე პოლონეთის გავლით გერმანიაში ჩავიდა, მიუნხენში დასახლდა და გერმანელი სპციალისტების დახმარებით შუშის პროდუქციის დამამზადებელი პატარა საწარმო გახსნა, თუმცა 1908 წლის დასაწყისში ლონდონში გადავიდა და მინის ქარხანაში უბრალო მუშად მოეწყო. მომდევნო წელს კი მეუღლესთან ერთად საცხოვრებლად ამერიკაში გაემგზავრა. ცხრა წელი მეუღლესთან ერთად იმუშავა „ჯენერალ ელექტრიკის” ფირმაში და უკვე ამ დროს შექმნა განსხვავებული ავტომატური კალამი, რომელმაც რამდენიმე პატენტი მიიღო.

1919 წელს კობახიძემ მასაჩუსეტსის შტატში, ბოსტონთან ახლოს, დიდი ქარხანა გახსნა. 1922 წლიდან მისმა ფირმამ The Coby Glass Products Company-მ, რომელიც 45 დასახელების პროდუქციას უშვებდა (სამედიცინო, ქიმიური, ლაბორატორიული, ფანჯრის მინები, ოთახის გასატიხრი მინები და ა.შ.), სახელი გაითქვა აშშ-ში. სხვადასხვა მონაცემით, მისი კომპანიის წარმოების საქონელბრუნვა 1929 წელს 15 მილიონ დოლარს აღწევდა.

II მსოფლიო ომის დამთავრების შემდეგ ჯორჯ კობიმ სიახლე დანერგა თავის წარმოებაში – დაიწყო ნაძვის ხის სათამაშოების დამზადება. შექმნა ქიმიური სითხით სავსე ელექტროსანთლები ე.წ. Babel Lamps, რომლებმაც ნამდვილი სანთლები შეცვალა. ფერადი მინისგან ამზადებდა სხვადასხვა ფორმის სათამაშოებს, რომელსაც “ორნამენტი” უწოდა, შინდისფერ ყუთებში ჩაწყობილ 12 ან 24 ცალ სათამაშოს ეწერა “კობი. საშობაო ხის ორნამენტები, კობი – ეს შობაა”.

გრი­გოლ კო­ბა­ხი­ძე 1883 წელს, ამ­ბრო­ლა­უ­რის რა­ი­ო­ნის სო­ფელ თხმორ­ში, გლე­ხის ოჯახ­ში და­ი­ბა­და. , ათი წლი­სა იყო, რო­დე­საც სახ­ლი­დან გა­ი­პა­რა და კი­თხვა-კი­თხვით ჩა­ვი­და ჯერ ქუ­თა­ის­ში, ხოლო შემ­დეგ, ბორ­ჯომ­ში, სა­დაც მი­ნის ქარ­ხა­ნა­ში მისი უფ­რო­სი ძმა მუ­შა­ობ­და.

გი­გომ ბორ­ჯომ­ში ოთხი წელი დაჰ­ყო, მი­ნის წარ­მო­ე­ბის ტექ­ნო­ლო­გი­ას და­ე­უფ­ლა და პრო­დუქ­ცი­ის გაზ­რდის მე­თო­დიც შე­ი­მუ­შა­ვა. ქარ­ხნის გამ­გე­ბელ­მა, გერ­მა­ნელ­მა შუ­მან­მა, ნი­ჭი­ე­რი ბიჭი ბორ­ჯო­მის მე­პატ­რო­ნეს, დიდ მთა­ვარ მი­ხე­ილ­სა და მის მე­გო­ბარ კონ­სტან­ტი­ნე მუხ­რან-ბა­ტონს წა­რუდ­გი­ნა. მათი ხელ­შე­წყო­ბით გიგო ჯერ თბი­ლი­სის მი­ნის ქარ­ხა­ნა­ში გა­და­ვი­და სა­მუ­შა­ოდ, შემ­დეგ კი, სა­ქარ­თვე­ლოს ფარ­გლებს გა­რეთ საქ­მი­ა­ნობ­და.

ასე და­ი­წყო გრი­გოლ კო­ბა­ხი­ძის ანუ ჯორჯ კო­ბის თავ­ბრუ­დამ­ხვე­ვი წარ­მა­ტე­ბე­ბი­თა და გან­საც­დე­ლით სავ­სე ცხოვ­რე­ბა...

წყარო: geotimes.ge