რას ამბობს ანსამბლ "ფესვების" ხელმძღვანელი, რომელსაც პრეზიდენტის ღონისძიებაში უნდა მიეღო მონაწილეობა, მაგრამ გზიდან გააბრუნეს
ანსამბლ "ფესვების" ხელმძღვანელი, ბადრი დარჩიძე ადასტურებს, რომ გუშინ, პრეზიდენტის მიერ ორგანიზებულ ღონისძიებაში უნდა მიეღოთ მონაწილეობა, თუმცა მოულოდნელად გზიდან გააბრუნეს. ის "მთავართან" ამბობს, რომ მიზეზად პროცედურული საკითხები დაასახელეს.
დარჩიძე ამბობს, რომ თავად მიმართა კულტურის ცენტრს ნებართვასთან დაკავშირებით, ღონისძიებამდე ერთი კვირით ადრე.
"მე მყავს რამდენიმე ხელმძღვანელი, მითხრეს წადიო, წამოვედი, დაბრუნდიო, დაბრუნდი. არ ყოფილაო წერილი სათანადოდ შემოსულიო, კულტურის ცენტრში, შუახევში. იქიდან უნდა იყოს მიწვევა მოსული, თბილისიდან, (ხომ იყო მიწვევა) სიტყვიერიაო და ფაქტიურად სიტყვიერი არ გვინდაო, წერილობით გვინდაო. (რეალურად მიმართული გქონდათ კულტურის ცენტრისთვის) კი, ერთი კვრის წინ... შესაბამისი მოთხოვნა თუ მოვაო, არ არის პრობლემაო, მე მოვემზადე იმისთვის, რომ წამოვსულიყავი, ხალხი წამომეყვანა, რომ წამოვედი მერე თქვეს, რომ არ მოსუალო და, ეჭვები, ვიღაცამ შეცდომაში შეიყვანა კულტურის ცენტრი", - ამბობს დარჩიძე.
