ბექა შაინიძე შერეულ საბრძოლო ხელოვნებაში ევროპის ჩემპიონია
სერბეთში, საბრძოლო ხელოვნებაში ევროპის ჩემპიონატის ტურნირზე, ქართველმა მებრძოლმა ბექა შაინიძემ წარმატებით იასპარეზა.
შაინიძემ ევროპის ჩემპიონობა იზეიმა და საქართველოს ისტორიული მედალი მოუპოვა. ფინალურ ბრძოლაში მან იტალიელი მატეო ტალამონტი დაამარცხა და ოქროს მედალს დაეუფლა.
ევროპის ჩემპიონატზე ბრინჯაოს მედლები მოიპოვეს ლევან მურღვლიანმა და მირზა გაჯიევმა. 18-წლამდელებში კი საქართველოს ნაკრებს ვერცხლი ნიკოლოზ პაპაშვილმა და გიორგი პირველმა, ბრინჯაო კი გიორგი დიდებულიძემ, დავით ნინიშვილმა, იოანე დიქოშვილმა, ოთარ ბერიძემ და დავით მგალობლიშვილმა მოუტანეს.
ქართველმა სპორტსმენებმა ევროპის ჩემპიონატზე საქართველოს კულტურისა და სპორტის სამინისტრო მხარდაჭერით იასპარეზეს.
