"შესანიშნავი მოქმედებები, პასები, ასეთი ტალანტი ცოტას აქვს“ - იტალიური მედიის შეფასება კვარაცხელიაზე

იტალიური მედია „რომასთან“ ხვიჩა კვარაცხელიას თამაშს გამოეხმაურა.

ქართველი საკმაოდ კარგად გაისარჯა, საგოლე მომენტებიც ჰქონდა და პენალტიც მოიპოვა. მატჩი კი, ფრედ 2:2 დასრულდა.

Tuttomercatoweb 6.5 ქულა: „კრისტანტეს წინააღმდეგ მოქმედება, როცა ბურთი ფეხებშუა გაუტარა და პოლიტანოზე პასი მეტყველებს ტალანტზე, რომლითაც ცოტა თუ დაიკვეხნის. სამწუხაროა, რომ მხოლოდ პერიოდულად ანათებდა. ბოლოს მან პენალტიც მოიპოვა“.

Calciomercato 6.5 ქულა: „მხოლოდ გოლი დააკლდა, მაგრამ კარგად ითამაშა და პენალტიც მოიპოვა“.

Ilgiornale 6.5 ქულა: „თითქოს, როგორც იქნა, გადამწყვეტი კვარა ვნახეთ, მაგრამ არა ისეთი „კილერი“, როგორც გასულ სეზონში იყო. ფლანგზე მისი დინამიზმი მეტოქეს ყოველთვის აიძულებს, რომ ორი ფეხბურთელით ეთამაშოს“.

Tuttonapoli 7 ქულა: „შესანიშნავი მოქმედებები, პასები და „ტუნელები“ მეტოქეების წინააღმდეგ“.

Sportvirgilio – 6.5 ქულა: „ქართველი ბევრად უფრო ცოცხალი იყო, ვიდრე ბოლო ანონიმურ მატჩებში. კრისტანტეს მოტყუება და პოლიტანოზე პასი დიდებული იყო, მაგრამ თანაგუნდელმა შეტევა გოლით ვერ დაასრულა. მოიპოვა პენალტი, რითაც „ნაპოლი“ დაწინაურდა“.