პარლამენტი ქალთა კვოტირების გაუქმების კანონზე პრეზიდენტის ვეტოს დასაძლევად ემზადება
პარლამენტი პრეზიდენტის მორიგი ვეტოს დასაძლევად ემზადება, კენჭისყრა დღეს გაიმართება. მეექვსე ვეტო სალომე ზურაბიშვილმა ქალთა კვოტირების გაუქმების კანონს 2 კვირის წინ დაადო – იგივე მოტივით, რაც წინა შემთხვევებში.
მისი შეფასებით, ცვლილება საქართველოს ევროინტეგრაციის გზაზე მორიგი უკან გადადგმული ნაბიჯია.
საარჩევნო კოდექსში ცვლილებები, რომელიც სავალდებულო გენდერული კვოტირების გაუქმებას გულისხმობს, პარლამენტმა მესამე მოსმენით, 4 აპრილს, 85 ხმით 22-ის წინააღმდეგ დაამტკიცა.
“გირჩის“ მიერ ინიციირებული პროექტი პარლამენტმა დაჩქარებული წესით მიიღო.
