რუსთავში საცხოვრებელ კორპუსში ხანძარი გაჩნდა - მოქალაქემ სახლიდან არასრულწლოვანი გამოიყვანა (ვიდეო)
რუსთავში, მე-17 მიკრო/რაიონში საცხოვრებელ კორპუსში ხანძარი გაჩნდა - ინფორმაციას "ინფო რუსთავი" ავრცელებს. როგორც მედიასაშუალება ყვება, ცეცხლი საცხოვრებელი ბინის საშრობში გაჩნდა, სადაც არასრულწლოვანი იმყოფებოდა, რომელიც ერთ-ერთმა მოქალაქემ გადაარჩინა.
"ცეცხლი იყო და დავინახე, შველას ითხოვდა. ავედი და გადმოვიყვანე, მერე გამოვარდა ცეცხლი შოკში იყო ბავშვი. დაახლოებით 12-13 წლის იყო, სახეზე არც დამინახავს. გარედან ავედი "ტრუბებზე" და ისე გამოვიყვანე... მეც ისე ვარ, სულ მაკანკალებს ახლა", - უთხრა "ინფო რუსთავს" პირმა, რომელმაც ბავშვი გადაარჩინა.
