რა გახდა პროფესორ გახელაძის სიკვდილის მიზეზი - რა ხდება კუს ტბის მიმდებარედ, სადაც ცხედარი იპოვეს?

გაუჩინარებული პროფესორი გარდაცვლილი იპოვეს - გიორგი გახელაძის ცხედარი კუს ტბის სიახლოვეს აღმოაჩინეს.

შინაგან საქმეთა სამინისტროს მთელი პერიმეტრი ახლა ყვითელი ლენტებით აქვს შემოსაზღვრული. ადგილზე ექსპერტ-კრიმინალისტები მუშაობენ.

სამართალდამცავები კითხვებს არ პასუხობენ და პრესცენტრთან ამისამართებენ. აქვს თუ არა ცხედარს დაზიანებები - სამართალდამცავების თქმით, ეს ინფორმაცია მათ არ აქვთ. 

"ამ ტბის გარშემო არ იყო ასეთი აღნიშნული. ინფორმაცია არ გვაქვს, ეგეთი რაღაც არ ყოფილა," - ამბობს ერთ-ერთი სამართალდამცავი.

გახელაძის ცხედარს ექსპერტიზისთვის სამხარაულის ეროვნულ ბიუროში გადაასვენებენ. უახლოეს საათებში გამოძიება პირველად ვერსიას იტყვის - გაირკვევა, რა გახდა სიკვდილის მიზეზი.

კუს ტბის მიმდებარე ტერიტორია მოხალისეებმა ოჯახის წევრებთან ერთად 21 ივნისს დაათვალიერეს. 57 წლის მამაკაცის სამძებრო სამუშაოებში 100-მდე მოხალისე იყო ჩართული, ისინი 5-5 ჯგუფად იყვნენ გადანაწილებული და ეძებდნენ პროფესორს.

შსს გამოძიებას ისევ გატაცების მუხლით აწარმოებს გამოძიებას.