ცნობილია როდის დაიწყება საქართველო-ალბანეთის მატჩის ბილეთების გაყიდვა და რა იქნება ბილეთების ფასი
საქართველო-ალბანეთის მატჩზე დასასწრები ბილეთების რეალიზაცია 28 სექტემბერს, 12:00 საათზე დაიწყება. ამის შესახებ ინფორმაციას ფეხბურთის ფედერაცია ავრცელებს.
ბილეთები ონლაინ რეჟიმში, პლატფორმა TKT.GE-ზე გაიყიდება.
ბილეთების ფასი 10, 30 და 50 ლარი იქნება.
შეხვედრა 14 ოქტომბერს თბილისში, მიხეილ მესხის სახელობის სტადიონზე გაიმართება.
შეგახსენებთ, ერთა ლიგის ფარგლებში საქართველომ ალბანეთი სტუმრად, 1:0 დაამარცხა.
