ბინების გაძვირება არ არის ცუდი ამბავი - გაიგე, რეალურად რას ნიშნავს ეს შენთვის

როდესაც ვინმე იტყვის "ბინები გაძვირდა“, ბევრი ადამიანი ფიქრობს, რომ მხოლოდ მეტი ფულის გადახდას ნიშნავს. სინამდვილეში, ყველაფერი ბევრად უფრო სხვაგვარადაა.

ბოლო წლებში საქართველოში სამშენებლო ინდუსტრია მკვეთრად შეიცვალა. არა მხოლოდ ფასების გამო - არამედ ხარისხის, კომფორტის და უსაფრთხოების თვალსაზრისით. 

რატომ იზრდება ფასები?

ბოლო წლებში საქართველოს კანონმდებლობა და სტანდარტები მნიშვნელოვნად გამკაცრდა. ახლა ყველა ახალი მშენებლობა უნდა აკმაყოფილებდეს თანამედროვე უსაფრთხოების მოთხოვნებს: სახანძრო სისტემები, სეისმურ სტაბილურობა, თბოიზოლაცია, ენერგოეფექტურობა.

ეს ყველაფერი შეიძლება თავიდან "დამატებით ხარჯად“ მოგეჩვენოს, მაგრამ რეალურად ეს არის ინვესტიცია შენს უსაფრთხოებაში და კომფორტში.

ბოლო დროს სამშენებლო სექტორში ხელფასები საგრძნობლად გაიზარდა, რაც ბუნებრივია აისახება საბოლოო ფასზე. დღეს მუშებს, ინჟინრებსა და სპეციალისტებს უფრო მაღალი ანაზღაურება აქვთ, ვიდრე რამდენიმე წლის წინ.

რა ნიშნავს ეს შენთვის, როგორც მყიდველისთვის?

სახლს აშენებს უფრო კვალიფიციური და მოტივირებული ხალხი. მუშახელის გაძვირება ნიშნავს, რომ შენ იღებ უფრო კარგად გაკეთებულ სახლს, სადაც ნაკლებად იჩენს თავს "დეფექტები“ და მომავალში ბევრ პრობლემას აგარიდებს.

ბოლო ორი წლის განმავლობაში თითქმის ყველა სამშენებლო მასალა გაძვირდა - ბლოკი, თიხა, მინა, ლიფტები, ელექტრო მოწყობილობები… მოკლედ ყველაფერი, რასაც შენობის აშენება სჭირდება.

როცა მასალა ძვირდება, მისი ხარისხიც უმჯობესდება. დღეს უკვე უკეთესი ბლოკით შენდება კედელი და უფრო გამძლე ლიფტები მონტაჟდება.

ეს ნიშნავს, რომ შენს ბინაში ნაკლები რისკი, ნაკლები პრობლემა და მეტი სიმყუდროვეა.

მასალების გაძვირებამ ფასზე გავლენა მოახდინა, მაგრამ სანაცვლოდ შენ უკეთესს, უსაფრთხო და ხარისხიანი სახლის კარკასს, კედლებს და მთლიან სისტემას იღებ.

როგორ აისახება ეს ყველაფერი ბინის ფასზე?

მაგალითად, ადრე კვადრატული მეტრი 1000$ ღირდა, ხოლო დღეს, ახალი სტანდარტების გათვალისწინებით შეიძლება 1050$ ღირდეს. ზედმეტ 50$-ს რომ შეხედავ იკითხავ "რატომ უნდა გადავიხადო მეტი?“

აი პასუხიც:

• უკეთესი თბოიზოლაცია - უფრო მცირე ენერგო ხარჯები ზამთარშიც და ზაფხულშიც;
• თანამედროვე სახანძრო სისტემა - შენ და შენი ოჯახი დაცული ხართ, რაც ყველაზე მნიშვნელოვანია;
• ხარისხიანი მასალები - კედლები მყარად და სწორად არის გაკეთებული, არაფერი ფუჩდება მალე და  შეკეთებებზე ფულის გადახდა აღარ გიწევს.

მოკლედ, ეს 50$ უბრალოდ "ბინის გაძვირება“ არ არის, ეს არის თანხა, რომელიც გაცილებით უფრო კომფორტულ, უსაფრთხო და ხარისხიან ცხოვრებას გაძლევს.

ბინების გაძვირება საქართველოში რეალურია, მაგრამ არა ისე, როგორც ბევრს წარმოუდგენია. ფასის ზრდა არ ნიშნავს ფულის ზედმეტ ფლანგვას. ეს არის ინვესტიცია შენს კომფორტში, უსაფრთხოებაში და ხარისხში.