ტერორიზმის ბრალდებით აიუფ ბორჩაშვილს 14 წელი მიესაჯა
თბილისის საქალაქო სასამართლომ აიუფ ბორჩაშვილი დამნაშავედ სცნო. როგორც "ინტერპრენიუსის" კორესპონდენტი სასამართლოდან იტყობინება, ბორჩაშვილს 14-წლიანი პატიმრობა მიესაჯა.
რაც შეეხება მასთან ერთად ბრალდებულებს, მოსამართლის გადაწყვეტილებით, გიორგი ხუტუნიშვილს 11-წლიანი, ხოლო დავით ფირისებიას 10-წლიანი პატიმრობა განესაზღვრათ.
პანკისელ აიუფ ბორჩაშვილს და მასთან ერთად ბრალდებულებს 17 წლის მუსლიმ კუშტანაშვილისა და 18 წლის რაზმან ბაღაკაშვილის სირიაში გამგზავრებას ედავებიან. ბრალდებულები 2015 წლის ივნისში დააკავეს. მათ ბრალად ტერორისტულ ორგანიზაციაში გაერთიანება და გადაბირება ედებათ.
