პარტია თავისუფალი საქართველოს ლიდერი ბეჟან გუნავა დააკავეს
პარტია თავისუფალი საქართველოს ლიდერი თბილისში სოციალურად დაუცველების აქციაზე დააკავეს.
ეკონომიკის სამინისტროსთან შეკრებილები ფართების დაკანონებას ითხოვდნენ. მათი განცხადებით, მუხაძის 17 ნომერში მდებარე სათამაშოების ქარხანაში 15 წლის წინ შესახლდნენ და შენობა არსებითად გააუმჯობესეს.
მჯდომარე აქციაზე საპატრულო პოლიციამ ბეჟან გუნავა დააკავა. ჯერჯერობით უცნობია, რა გახდა პოლიტიკოსის თავისუფლების შეზღუდვის მიზეზი.
