რუსთავში გაჩენილ ხანძარს 84 წლის ქალი ემსხვერპლა
რუსთავში გაჩენილ ხანძარს 84 წლის ქალი ემსხვერპლა. ცეცხლი ლეონიძის ქუჩაზე მდებარე საცხოვრებელი კორპუსის მე-7 სართულზე გაჩნდა.
სახლში მხოლოდ ხანდაზმული ქალბატონი იმყოფებოდა, რომელმაც ბინიდან გამოსვლა ვერ შეძლო.
წინასწარი ინფორმაციით, ბინაში ცეცხლი სანთლისგან გაჩნდა. ადგილზე ამ დრომდე მუშაობენ სამაშველო და საგამოძიებო სამსახურები.
