თბილისის ყოფილი მთავარი არქიტექტორი შესაძლოა პროკურატურაში დაიბარონ
თბილისის ყოფილ მთავარ არქიტექტორს შესაძლოა პროკურატურაში მოუწიოს სიარული. 18 ნოემბერს მომზადებული სკანდალური დოკუმენტი, რომელიც შესაძლოა, ყოფილი ჩინოვნიკის პასუხისმგებლობის მიზეზი გახდეს, დღეს გასაჯაროვდა.
მერიის შიდა აუდიტმა შესწავლის შედეგად დასკვნა, რომ დედაქალაქის არქიტექტურის სამსახურმა ცინცაძის 85-ში დაგეგმილ მშენებლობაზე ნებართვა უკანონოდ გასცა.
დოკუმენტის მიხედვით, ირკვევა, რომ ქალაქის არქიტექტურის სამსახურმა სამშენებლო კოეფიციენტები დაარღვია. მრავალსართულიანი კორპუსი მხოლოდ 6 სართულიანად, დანარჩენი სართულები სარდაფებად დაარეგისტრირა. შედეგად თბილისის ბიუჯეტს ნახევარმილიონიანი ზარალი მიადგა. გადაწყვეტილება დედაქალაქის მაშინდელმა მთავარმა არქიტექტორმა დიმიტრი მოსულიშვილმა მიიღო.
