კახი კალაძის თქმით, ბუნებრივ აირზე მეტი გადასახადის გადახდა ზამთრის ცივ დღეებს უკავშირდება
ბოლო დროს მომხმარებული ბუნებრივი აირის ქვითრებში განსაკუთრებულად მაღალი გადასახადის გამო საზოგადოების უკმაყოფილებას ენერგეტიკის სამინისტრო ეხმაურება. უწყებაში ამ თემაზე სულ ცოტა ხნის წინ პირველი განცხადება გაკეთდა.
ენერგეტიკის მინისტრი აცხადებს, რომ ბუნებრივ აირზე მეტი გადასახადის გადახდა ზამთრის ცივ დღეებს უკავშირდება და ქვითრებში ასახულ გაორმაგებულ გადასახადებს სხვა მიზეზები არ აქვს.
კახი კალაძის თქმით, ბუნებრივი აირის მოხმარება არის გაზრდილი.
კახი კალაძემ დღეს შეხვედრა გამართა ყაზტრანსგაზისა და გაზის ტრანსპორტირების წარმომადგენლებთან. ენერგეტიკის მინისტრმა არსებულ მდგომარეობაზე ანგარიში მოისმინა.
„ბოლო დღეების განმავლობაში სოციალურ ქსელში აქტიურად მიდის საუბარი იმასთან დაკავშირებით, რომ თითქოს, არასწორი გადასახადების გადახდა უწევთ ბუნებრივ აირზე, ეს ასე ნამდვილად არ არის,“- განაცხადა კახი კალაძემ.
