შეერთებული შტატების პრეზიდენტმა განაცხადა, რომ ქვეყანაში შესვლის მსურველების წინასწარ გაფრთხილებას აპირებდა
დონალდ ტრამპის მოულოდნელი აღიარება. შეერთებული შტატების პრეზიდენტმა განაცხადა, რომ ქვეყანაში შესვლის მსურველების წინასწარ გაფრთხილებას აპირებდა, თუმცა ძალოვნებმა მას განკარგულების ხელმოწერა ურჩიეს იმ მოტივით, რომ პროცესის გადადებით ტერორისტები ისარგებლებდნენ და ამერიკაში შეღწევას შეეცდებოდნენ.
პრეზიდენტის ეს განცხადება ყველასთვის მოულოდნელი აღმოჩნდა, რადგან ჯერ კიდევ კვირას მან განკარგულების შეჩერების გამო ფედერალური მოსამართლე გააკრიტიკა და მოსალოდნელ შედეგებზეც სრული პასუხისმგებლობა დააკისრა.
ტრამპის საემიგრაციო აკრძალვა 7 მუსლიმური ქვეყნის მოქალაქეებს შეერთებულ შტატებში შესვლას უკრძალავდა.
