ისრაელიდან დეპორტირებული საქართველოს 30 მოქალაქე დაბრუნდა წუხელ თბილისში
ისრაელიდან დეპორტირებული საქართველოს 30 მოქალაქე დაბრუნდა წუხელ თბილისში. როგორც კურიერთან საუბარში განაცხადეს, მათთვის დეპორტაციის მიზეზები არავის განუმარტავს და არც საბუთები შეუმოწმებიათ.
30-ვე მოქალაქე, მათ შორის ქალები, ისრაელში ჩაფრენისთანავე გადაიყვანეს სადეპორტაციო ციხეში და როგორც ყვებიან, 3 დღის განმავლობაში, გაუსაძლის პირობებში იმყოფებოდნენ. ადგილზე ისინი საქართველოს საკონსულოს წარმომადგენელმა მოინახულა.
