დეკანოზ გიორგი მამალაძეს პროკურატურა ორშაბათს დაკითხავს
ე.წ. ციანიდის საქმეზე დაკავებულ მამა გიორგი მამალაძეს პროკურატურა ორშაბათს დაკითხავს. არსებული ინფორმაციით, საგამოძიებო ორგანოს წარმომადგენლები საპატიმროში დილის 10 საათისთვის აპირებენ მისვლას.
ადვოკატების ინფორმაციით, მათ ამის შესახებ პროკურატურიდან ცოტა ხნის წინ შეატყობინეს. ამ წუთებში კი უფლებადამცველები სასჯელაღსრულების დაწესებულებაში იმყოფებიან და ბრალდებულს ხვდებიან.