ენერგეტიკის მინისტრი ბუნებრივ აირზე ფასის მატებას არ გამორიცხავს
არის შესაძლებლობა იმისა, რომ ტარიფები გაიზარდოს - ეს განცხადება ენერგეტიკის მინისტრმა კახა კალაძემ, ბუნებრივი აირის ფასის შესაძლო მატებაზე საუბრისას გააკეთა. კალაძე განმარტავს, რომ ქვეყანაში ბუნებრივი აირის სრული იმპორტირება ხდება, ფასი კი ვალუტის კურსზეა დამოკიდებული.
მინისტრის თქმით, იმ შემთხვევაში თუ ბუნებრივ აირზე ფასის მატება მოხდება, შესაძლოა მთავრობამ, ელექტრო ენერგიის მსგავსად, სუბსიდირებას მიმართოს.