ტარხუნის ღვეზელი

რეცეპტის ინგრედიენტები:

ცომისთვის

· 1 კილოგრამი ფქვილი

· 1 ცალი კვერცხი

· 160 გრამი კარაქი

· 400 მილილიტრი ნელთბილი წყალი

· 1 ჩაის კოვზი მარილი


შიგთავსისთვის

· 70 გრამი მოხარშული ბრინჯი

· 5 ცალი კვერცხი

· 200 გრამი ახალი ტარხუნა

· 200 გრამი მწვანე ხახვი

· 1 მწიკვი შავი წიწაკა

· 1 ჩაის კოვზი მარილი

· 5 გრამი კარაქი

· 10 მილილიტრი ზეთი

~ მომზადების წესი ~

1. მოცემული ინგრედიენტებით მოამზადეთ ფენოვანი ცომი. იხილეთ: ფენოვანი ცომის მომზადების წესი.

2. მოაცალეთ ტარხუნის ღეროებს ფოთლები და დაჭერით ისინი ხახვთან ერთად. მოხარშეთ 3 ცალი კვერცხი და დაჭერით პატარა კუბიკებად. დანარჩენი ორის გული და ცილა განაცალკევეთ ერთმანეთისგან.

3. გააცხელეთ ტაფა და მოასხით ზეთი. შუშეთ ხახვი და ტარხუნა მაქსიმუმ 1 წუთის განმავლობაში. თან მუდმივად ურიეთ.

4. თასში ერთმანეთს შეურიეთ დაჭრილი მოხარშული კვერცხი, 2 კვერცხის ცილა, მარილიან წყალში მოხარშული ბრინჯი, მოშუშული ხახვი და ტარხუნა, მწიკვი წიწაკა და 1 ჩაის კოვზი მარილი.

5. ფქვილმოყრილ სამუშაო ზედაპირზე გააბრტყელეთ ცომის 2/3 ნაწილი დაახლოებით 6 მილიმეტრის სისქის 22×42სმ ზომის ოთხკუთხედად. გაანაწილეთ მასზე ტარხუნის მასა ისე, რომ დაგრჩეთ 6-6სმ ზომის თავისუფალი კიდეები და ჩარჩოსებურად გადააკეცეთ ისინი ზემოდან. გააბრტყელეთ ცომის დარჩენილი 1/3 ნაწილი 16×36სმ ზომის ოთხკუთხედად და დააფარეთ ტარხუნის ჭრილს ზემოდან.

6. გათქვიფეთ 2 კვერცხის გული 5 გრამ კარაქთან ერთად და მოაცხეთ ტარხუნის ღვეზელის ზედაპირს. შედგით ღუმელში და აცხვეთ საშუალო ტემპერატურაზე დაახლოებით 25 წუთის განმავლობაში, სანამ ცომი ყავისფერი შეფერილობის არ გახდება.








წყარო:newposts.ge