TIA.GE - ინტერნეტ ტელევიზია
საბავშვო ბაღებისა და სკოლის კვების ობიექტებში, სურსათის ეროვნულმა სააგენტომ 24 დარღვევა აღმოაჩინა
  • საბავშვო ბაღებისა და სკოლის კვების ობიექტებში, სურსათის ეროვნულმა სააგენტომ 24 დარღვევა აღმოაჩინა

    სურსათის ეროვნული სააგენტო სკოლამდელი აღზრდის დაწესებულებებისა და სკოლების კვების ბლოკების კონტროლს განაგრძობს. შემოწმება მთელი ქვეყნის მასშტაბით მიმდინარეობს, მოწმდება როგორც საჯარო, ასევე კერძო ობიექტები.


    უწყების ინფორმაციით: ''2020 წელს საბავშვო ბაღების კვების ბლოკებში უკვე განხორციელდა 800-მდე, ხოლო სკოლების კვების ბლოკებში ჩატარებულია 70-მდე სახელმწიფო კონტროლი. შემოწმების შედეგად 24 სხვადასხვა დარღვევა აღინიშნა, თუმცა, არცერთი კრიტიკული შეუსაბამობა არ გამოვლენილა. სააგენტოს ინსპექტორებმა გაატარეს კანონით გათვალისწინებული ღონისძიებები და ბიზნესოპერატორებს მისცეს შესაბამისი რეკომენდაციები.“-ნათქვამია უწყების მიერ გავრცელებულ ინფორმაციაში.

    ასევე შემოწმებისას ყურადღება ექცევა: კვების ბლოკების სანიტარიულ-ჰიგიენურ ნორმებს, რეცხვა/დეზინფიცირებას, მოწყობილობების, აღჭურვილობისა და ინვენტარის (ინფრასტრუქტურის) მდგომარეობას, სურსათის დამუშავებისა და შენახვის ტემპერატურულ რეჟიმებს, ეტიკეტირებას, სასმელი წყლის ტექნიკურ რეგლამენტთან შესაბამისობას.

    წყარო:newposts.ge
    267 ნახვა
    14-02-2020, 07:11
    loading...
    News-ები