ავარიის შედეგად დაშავებული 8 ადამიანი საავადმყოფოდან გაწერეს
30 ოქტომბრის ღამით, გორთან მომხდარი ავარიის შედეგად დაშავებული 8 ადამიანი საავადმყოფოდან გაწერეს.
ამ დროისთვის, მხოლოდ ერთი პაციენტის მდგომარეობაა მძიმე.
"ყველაზე მძიმე არის გულ-მკერდის დაჟეჟილობა, ფილტვების დაჟეჟლობით და ნეკნების მრავლობითი მოტეხილობა. არის ასევე სახის ძვლების მოტეხილობა. რაიმე პროგნოზს ვერ გავაკეთებ პაციენტთან დაკავშირებით, ჯერ ძალიან მძიმეა, ტრამვა მწვავეა, " - ამბობს ექიმი.
შეგახსენებთ, რომ თურქული სანომრე ნიშნებით მოძრავი სატვირთო ავტომანქანა „დაფი“ სამგზავრო მიკროავტობუსს შეეჯახა. ავარიის შედეგად 6 ადამიანი დაიღუპა.
მომხდარზე დაკავებულია თურქეთის რესპუბლიკის მოქალაქე, 1958 წელს დაბადებული მ.ს. მას 6-დან 10 წლამდე პატიმრობა ემუქრება.
