რიცხვების მაგია - გაიგეთ, რომელი ფარული ნიჭის მფლობელი ხართ

ნუმეროლოგია ანუ უნივერსალური რიცხვების ენა, რომელიც შეისწავლის რიცხვებს და მათ გავლენას ადამიანებზე. სამყარო სავსეა მინიშნებებით და კოდებით, რომლებსაც ზოგჯერ ყურადღებას არ ვაქცევთ.

ნუმეროლოგიის დახმარებით თქვენ შეგიძლიათ გაერკვეთ საკუთარ თავში და სხვა მხრიდან შეხედოთ საკუთარ პიროვნებას. გაიგოთ რის ნიჭს ფლობს ადამიანი და რა შესაძლებლობებით დაასაჩუქრა ბუნებამ.

ამის გასაგებად შეკრიბეთ საკუთარი დაბადების დღის, თვის და წლის აღმნიშვნელი რიცხვები სანამ ერთნიშნა რიცხვს არ მიიღებთ.

მაგალითად, თუ თქვენი დაბადების დღეა 24.02.1995 (2+4+0+2+1+9+9+5=32. 3+2= 5. ვნახოთ, რას გვიამბობენ როცხვები თქვენი ფარული ნიჭის შესახებ.

1. ლიდერობის სიმბოლოა. ამ ნიშნის მატარებელი ადამიანებს აქვთ პასუხისმგებლობის გრძნობა, პრინციპულები და კომუნიკაბელურები არიან. როგორც წესი, წარმატების მისაღწევად ისინი კოლექტივს ხელმძღვანელობენ, კრიზისული სიტუაციების მართვა შეუძლიათ და ადამიანების დარწმუნების უნარი აქვთ. ყველა სიკეთესთან ერთად, ისინი შესანიშნავი ხელმძღვანელები, მასწავლებლები და ორატორები არიან.

2. ორიანი დიპლომატიურობის ნიშანია. ამ ნიშნის მატარებელი ადამიანებს მოლაპარაკებების მართვა და ადამიანების ნდობის მოპოვება შეუძლიათ. ისინი გაურბიან კონფლიქტურ სიტუაციებს, ეძებენ კომპრომისებს და შეუძლიათ დაპირისპირებული მხარეების შერიგება. „ორიანები“ შესანიშნავი ფსიქოლოგები, დიპლომატები და იურისტები არიან, თუმცა წარმატების მიღწევის პოტენციალი ნებისმიერ სფეროში აქვთ.

3. სამიანი შთაგონების სიმბოლოა. ამ ნიშნის მატარებელ ადამიანებს მდიდატი ფანტაზია, ეშრეტი ენერგია და მრავალმხრივი შესაძლებლობები გააჩნიათ. ისინი იმდენად დამაჯერებლები არიან, რომ ახლობელ ადამიანებსაც კი უჭირთ გარჩევა როდის ამბობენ ტყუილს და როდის მართალს. „სამიანები“ როგორც წესი განსაკუთრებულ წარმატებას ხელოვნებაში აღწევენ.

4. ოთხიანი პრაქტიკულობის სიმბოლოა. ამ ნიშნის მატარებელი ადამიანები უმცირეს წვრილმანებსაც კი აქცევენ ყურადრებას. „ოთხიანების“ ძლიერი მხარე ზუსტი მეცნიერებებია. მათ შეუძლიათ გახდნენ შესანიშნავი მათემატიკოსები, პროგრამისტები, ექიმები და ფინანსისტები. ზოგადად, ნებისმიერ რთულ და ერთფეროვან საქმესთან გამკლავება შეუძლიათ.

5. ხუთიანი ენერგიულობის სიმბოლოა. ამ ნიშნის მატარებელი ადამიანები აქტიურები და ცნობისმოყვარეები არიან. ისინი ცდილობენ სამყაროს შეცნობას და საკუთარი ცოდნის სხვებისთვის გადაცემას. მათთვის მნიშვნელოვანია მიღებული ინფორმაციის ანალიზი, რომ შეძლონ ნანახისა და მოსმენილის ახსნა. „ხუთიანებს“ შეუძლიათ კონტაქტების დამყარება და თანამოსაუბრესთან ენერგეტიკული კავშირის გაბმა. ისინი შესანიშნავი მასწავლებლები, ექიმები, არქეოლოგები და მეცნიერები არიან.

6. ეს მოვალეობის ნიშანია. „ექვსიანებს“ ადამიანების დახმარების გარეშე არსებობა ვერ წარმოუდგენიათ. მათი მოწოდება კაცობრიობისთვის სამსახურია. „ექვსიანები“ საჭირო რჩევას აძლევენ ყველას, ვისაც ეს ჭირდება. მათგან შესანიშნავი აღმზრდელები, ექიმები და მოგზაურები გამოდის.

7. შვიდიანი სიბრძნის ნიშანია. ამ ნიშნის მატარებელ ადამიანებს ინტელექტის მაღალი დონე, ანალიტიკური შესაძლებლობები და შესანიშნავი მეხსიერება აქვთ. ისინი როგორც წესი, ყველაფერს რენტგენივით ხედავენ და არც თუ იშვიათად, ექსტრასენსული უნარები უვითარდებათ. „შვიდიანებს“ შეუძლიათ ერთნაირად წარმატებულები იყვნენ როგორც ანალიტიკურ, ისე შემოქმედებით სფეროში. მათთვის ყველაზე მთავარი საკუთარი ცოდნის გამოყენებაა.

8. რვიანი ძალის სიმბოლოა. ამ ნიშნის მატარებელი ადამიანი ყველა წინააღმდეგობას ადვილად უმკლავდება და უზარმაზარ შინაგან პოტენციალს ფლობს. „რვიანები“ ყველაზე დიდ წარმატებას აღწევენ სფეროებში, სადაც საჭიროა კარგი მორალური და ფიზიკური მომზადება მაგალითად, ბიზნესსა და სპორტში

9. ცხრიანი შემოქმედის ნიშანია. ამ ნიშნია მატარებელი ადამიანები ყოველთვის სრულყოფილებისკენ ისწრაფიან და საკუთარი იდეალების სჯერათ. „ცხრიანებს“ შემოქმედებითი აზროვნება და კარგი გემოვნება აქვთ და ხშირად პროფესიასაც ამ მიმართულებით ირჩევენ. ისინი შესანიშნავი პოეტები, მწერლები, მსახიობები და მუსიკოსები არიან.