ეკატერინე ტიკარაძე მისი შესაძლო გადადგომის შესახებ გავრცელებულ ინფორმაციას უარყოფს
ჯანდაცვის მინისტრი, ეკატერინე ტიკარაძე თანამდებობიდან მოსალოდნელი განთავისუფლების შესახებ გავრცელებულ ინფორმაციას კატეგორიულად უარყოფს.
ტიკარაძე თანამდებობის დატოვებას არ აპირებს .
ამის შესახებ მინისტრმა “მთავარ არხთან” ინტერვიუში განაცხადა.
რაც შეეხება ტიკარაძის ნაცვლად ჯანდაცვის სამინისტროს ერთერთი დეპარტამენტის ხელმძღვანელის, ამირან გოგიტიძის, დანიშვნას, მინისტრი ამბობს, რომ ის წარმატებული კადრია.
“ძალიან კარგი კადრია ამირან გოგიტიძე, ძალიან პროდუქტიული და ძალიან დადებითი პიროვნება, თავისი საქმის პროფესიონალი”, – ამბობს ეკატერინე ტიკარაძე.
