მიხეილ სააკაშვილი: ივანიშვილის რეჟიმს საყოველთაო შერიგებას ვთავაზობდი
ყოფილი პრეზიდენტის მიხეილ სააკაშვილის განცხადებით, ხელისუფლების ცვლილების შემთხვევაში ის ბიძინა ივანიშვილს შეთანხმებას სთავაზობდა, რომლის მიხედვითაც პოლიტიკური ნიშნით ადამიანების დევნა არ დაიწყებოდა.
„მე თანახმა ვიყავი და ივანიშვილის რეჟიმს ვთავაზობდი საყოველთაო შერიგებასა და საყოველთაო ამნისტიას. მზად ვიყავი, შევთანხმებულიყავით იმაზე, რომ არავინ, არასდროს, არავის დევნის. ჩემი ბევრი თანაგუნდელი ამას არ ეთანხმებოდა, მაგრამ მე ყოველთვის მშვიდობიანი გზის მომხრე ვარ“, - აღნიშნა მიხეილ სააკაშვილმა სატელევიზიო ეთერში ჩართვისას.
