გორში ქალაქის მთავარი ნაძვის ხე საზეიმოდ აინთო
გორის მთავარი ნაძვის ხე დღეს საზეიმოდ აინთო.
ქალაქის ცენტრალურ მოედანზე მდებარე საახალწლო ნაძვის ხე შიდა ქართლის გუბერნატორმა, გორის მუნიციპალიტეტის მერმა და ახალმა მაჟორიტარმა დეპუტატმა აანთეს.
წინა წლებისგან განსხვავებით წელს პანდემიის გამო საახალწლო ნაძვის ხის კონცერტი არ გამართულა, თუმცა ქალაქის მოედანზე გორელები მაინც შეიკრიბნენ. მთავარ ნაძვის ხესთან ერთად ქალაქის ქუჩებში საახალწლო განათებებიც ჩაირთო.
