ექიმები ყოველთვის უფრო მკაცრი რეგულაციების მომხრე ვართ, მაგრამ სასწორის პინაზე იდება მოსახლეობის ეკონომიური მდგომარეობა
დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ექიმები ყოველთვის უფრო მკაცრი რეგულაციების მომხრე არიან, თუმცა, აღნიშნავს, რომ საკოორდინაციო საბჭომ, შეზღუდვებთან დაკავშირებით, დაბალანსებული გადაწყვეტილება მიიღო.
„ჩვენი და ჩემი რეკომენდაციები ყოველთვის ჟღერდება საკოორიდნაციო საბჭოზე, ეს არ გამოდის გარეთ. მე რამდენჯერმე გავახმოვანე ის, რომ ამ შემთხვევაში, ჩვენ – დაავადებათა კონტროლის ცენტრი და ექიმები ყოველთვის უფრო მკაცრი რეგულაციების მომხრე ვართ, მაგრამ ამავე დროს სასწორის პინაზე იდება კიდევ სხვა, მოსახლეობის ეკონომიური მდგომარეობა, განწყობა და ა.შ. ამიტომ მსჯელობს და იმსჯელა საკოორდინაციო საბჭომ ამ საკითხებზე, ძალიან რთული იყო დღეს განხილვა და მიღებული იქნა ბალანსირებული გადაწყვეტილება მინიმალურ შემსუბუქებასთან დაკავშირებით. ამიტომ. გთხოვთ, მაქსიმალურად მიიტანეთ ინფორმაცია მოსახლეოაბსთან, დიახ, იქნება ეს მინიმალური შემსუბუქება. ამიტომ ყველამ უნდა დავიცვათ ის მკაცრი რეკომენდაციები, რაც არის მოწოდებული და დღეს გახმოვანდა, რათა კიდევ არ გვქონდეს ინფიცირების ზრდა“, – აღნიშნა ამირან გამყრელიძემ.
საკოორდინაციო საბჭომ მიიღო გადაწყვეტილება, რომ 24 დეკემბრიდან 2 იანვრის ჩათვლით, შეზღუდვები სრული მოცულობით არ შემსუბუქდება.
