ეს შემაშფოთებელია - მიტროპოლიტი იოანე ბუკნარში მომხდარს დაპირისპირებაზე
სოფელ ბუკნარში მიმდინარე მოვლენებს შემოქმედელმა მიტროპოლიტი იოსები ეხმაურება და ამბობს, რომ ეს ყველაფერი შემაშფოთებელია.
მიტროპოლიტი წერს, რომ როგორც მათთვის გახდა ცნობილი, "აჭარიდან - ზოტიდან და სხვა სოფლებიდან - 13 იანვარს აპირებდნენ ჩამოსვლას სოფელ ბუკნარში სპეციალურად შემზადებული ადამიანები, ამიტომ პირადად მან მყისიერად მივიღე გადაწყვეტილება, სამღვდელოება გამეშვა სოფელ ბუკნარში ვითარების განსამუხტად".
"რადგანაც უკვე კომენდანტის საათი იყო, ბატონ ზურაბ ნასარაიას, გურიის სახელმწიფო რწმუნებულს, დავურეკე და ვთხოვე, სასულიერო პირებისთვის გადაადგილების საშუალება მოეცა. თანხმობის მიღების შემდეგ სამღვდელოება ღამის 11 საათზე ჩავიდა ქრისტიანი მოსახლეობის დასამშვიდებლად, რათა მონაწილეობა არ მიეღოთ მოსალოდნელ დაპირისპირებაში. საუბარმა, რა თქმა უნდა, შედეგი გამოიღო: მეორე დღეს მოხდა შერიგება გურულებსა და აჭარლებს შორის.
ჩვენთვის ძალიან მნიშვნელოვანია მშვიდობა ძმებს შორის და მივესალმებით იმ შერიგების პროცესს, რაც იქნა მიღწეული ჩვენი თუ სხვა კეთილი ადამიანების რუდუნებით". - წერია მიტროპოლიტი იოსების განცხადებაში.
წყარო:newposts.ge
