ირანის საგარეო საქმეთა მინისტრი საქართველოშია
ირანის საგარეო საქმეთა მინისტრი საქართველოშია. აზერბაიჯანის, რუსეთისა და სომხეთის შემდეგ, მოჰამად ჯავად ზარიფი ქვეყანას რეგიონალური სამუშაო ვიზიტის ფარგლებში ეწვია.
"ტურის მიზანია მეზობელ ქვეყნებთან განიხილოს გასულ წელს სამეზობლოში განვითარებული მოვლენების, კერძოდ, საომარი მოქმედებების შედეგად შექმნილი ახალი ვითარება და რეგიონების განვითარების და უსაფრთხოების პერსპექტივები", - თქვა საგარეო საქმეთა მინისტრის მოადგილემ, ალექსანდრე ხვთისიშვილმა
ირანის საგარეო უწყების ხელმძღვანელი საქართველოს პრეზიდენტს და პრემიერმინისტრს შეხვდება. ირანის საგარეო უწყების ხელმძღვანელი გვირგვინით შემკობს გმირთა მემორიალს.
