ესპანეთში სატვირთო ავტომობილი გაიტაცეს
ესპანეთში გაიტაცეს სატვირთო ავტომობილი, რომელსაც €4 მილიონის სმარტფონები გადაჰქონდა. პოლიციამ ავტომობილის გატაცებასთან კავშირში მყოფი პირები უკვე დააკავა.
სააგენტო Europa Press-ის ინფორმაციით, ეჭვმიტანილები ავტომობილის მძღოლთან შეთანხმებით მოქმედებდნენ. გამოძიება საქმეზე რამდენიმე კვირის წინ დაიწყო, როდესაც მძღოლმა მისი ავტომობილის გატაცების შესახებ პოლიციას შეატყობინა.
მძღოლის განცხადებით, ხეტაფეს მუნიციპალიტეტში რამდენიმე შეიარაღებულმა პირმა მას სატვირთოს დატოვება აიძულეს, სხვა ავტომობილის საბარგულში გადასვეს, შემდეგ კი ერთ-ერთ ბენზინგასამართ სადგურზე დატოვეს.
რამდენიმე დღეში პოლიციამ ცარიელი სატვირთო ქალაქ ალკორკონის მახლობლად იპოვა. დაკავებულია სამი ადამიანი, პოლიციამ მოპარული საქონელის ნაწილი უკვე ამოიღო.
