დღეს პარლამენტი მოსამართლეობის კანდიდატების შერჩევის წესში ცვლილებებს განიხილავს
უზენაესი სასამართლოს მოსამართლეობის კანდიდატების შერჩევის და პარლამენტისთვის წარდგენის წესში ცვლილებებს, პლენარულ სხდომაზე დღეს პირველი მოსმენით განიხილავენ.
როგორც კანონპროექტის ავტორები განმარტავენ, პროექტის მიზანია ვენეციის კომისიის 2020 წლის 8 ოქტომბრის დასკვნაში მოცემული იმ რეკომენდაციების გათვალისწინება და „საერთო სასამართლოების შესახებ“ ორგანულ კანონში ასახვა, რაც ვენეციის კომისიამ უზენაესი სასამართლოს მოსამართლეობის კანდიდატების შერჩევის წესთან დაკავშირებით შეიმუშავა.
