რესტორან "ბაბილოსთან" საპროტესტო აქციაზე პოლიციამ 9 ადამიანი დააკავა
რესტორან "ბაბილოსთან" მიმდინარე საპროტესტო აქციაზე პოლიციამ 9 ადამიანი დააკავა.
როგორც შინაგან საქმეთა სამინისტროში აცხადებენ, აქციის მონაწილეების დაკავება ადმინისტრაციული წესით, 166-ე და 173-ე მუხლებით მოხდა, რაც დაუმორჩილებლობასა და ხულიგნობას გულისხმობს.
თბილისში, რესტორან "ბაბილოში" მოსამართლეთა საახალწლო ღონისძიება პროტესტის ფონზე გაიმართა. ადგილზე ვითარება რამდენიმე საათის განმავლობაში, პერიოდულად იძაბებოდა. მოსამართლეთა რესტორნის დატოვება შეძახილების ფონზე, საპოლიციო ძალების მიერ მოწყობილი კორდონის გავლით მოუწია.
