კახეთში სხეულის განზრახ მძიმე დაზიანების ბრალდებით ერთი ადამიანი დააკავეს
კახეთში პოლიციამ სხეულის განზრახ მძიმე დაზიანების ბრალდებით ერთი ადამიანი დააკავა. ინფორმაცია Imedinews-ს შინაგან საქმეთა სამინისტროს პრესსამსახურმა დაუდასტურა. სავარაუდოდ დამნაშავეს დღეს ბრალს ოფიციალურად წარუდგენენ.
როგორც Imedinews-ს ადგილიდან თვითმხილველმა აცნობა, თანასოფლელმა თანასოფლელს ცივი იარაღით ჭრილობა გულ-მკერდის არეში მიაყენა. დაჭრილი სასწრაფო დახმარების ბრიგადამ საავადმყოფოში გადაიყვანა, სადაც მას შესაბამისი სამედიცინო დახმარება აღმოუჩინეს. ექიმის თქმით, მისი ჯანმრთელობის მდგომარეობა ამ ეტაპზე დამაკმაყოფილებელია.
რა გახდა კონფლიქტის დაწყების კონკრეტული მიზეზი ჯერჯერობით უცნობია.
