გაუჩინარებულ ქართველ ბიჭზე ინტერპოლმა ძებნა გამოაცხადა
ინტერპოლის ცენტრალურმა ბიურომ, უგზო-უკვლოდ დაკარგულ 21 წლის გოგი დოლიძეზე ყვითელი ცირკულარით საერთაშორისო ძებნა გამოაცხადა. შესაბამისი ინფორმაცია ინტერპოლის ბიუროს საიტზე განთავსდა.
გოგი დოლიძე ბუნდოვან ვითარებაში 17 წლის ასაკში გაუჩინარდა. დოლიძე 2017 წლის 7 დეკემბერს დილის 09:00 საათზე სახლიდან სკოლაში წავიდა და უკან აღარ დაბრუნებულა. პოლიციამ დაადგინა, რომ მისი ტელეფონი იმავე დღეს, 15:00 საათზე ქობულეთის ავტოსადგურთან გაითიშა.
