ბათუმში, კობალაძის ქუჩაზე, ორი ცხედარი იპოვეს
ბათუმში, კობალაძის ქუჩის 8 ნომერში ორი ცხედარი იპოვეს. ქუჩა ამ წუთებში გადაკეტილია და იქ სამართალდამცავები მუშაობენ.
პოლიციას საცხოვრებელი კორპუსების ეზო ყვითელი ლენტით აქვს შემოსაზღვრული.
გარდაცვლილია ერთი ქალი და ერთი მამაკაცი. არსებული ინფორმაციით, ორივე უცხო ქვეყნის მოქალაქეა.
ადგილობრივების განცხადებით, მამაკაცი სავარაუდოდ, მე-19 სართულიდან გადმოხტა, ქალის ცხედარი კი, საცხოვრებელი კორპუსის ერთ-ერთ ბინაში იპოვეს.
