კარდიოლოგები მეტი ნიგვზის მიღებას გვირჩევენ

მეიოს კლინიკაში დაადგინეს, რომ ნიგვზის მოხმარებით შესაძლებელია გულის გაძლიერება

და გულ-სისხლძარღვთა დაავადებებით გამოწვეული ნაადრევი სიკვდილის რისკის შემცირება. ნიგოზი ამცირებს დაბალი სიმკვრივის ლიპოპროტეინების და ტრიგლიცერიდების მაჩვენებელს, რომელიც ხელს უწყობს სისხლძარღვებში ქოლესტერინის ფოლაქების ფორმირებას.

სამედიცინო უკუჩვენებების არარსებობისას, ადამიანმა შეიძლება მიიღოს ნებისმიერი სახის თხილეული, რადგანაც ყველა სახეობა შეიცავს უჯერ ცხიმებს, ომეგა-3 ცხიმოვან მჟავებს, მცენარეულ სტეროლებს, უჯრედისს, ვიტამინს Е და L-არგინინს. მაღალი კალორიულობის გამო, არაა რეკომენდებული თხილეულის დიდი რაოდენობით მიღება. იდეალური ვარიანტი ნიგვზის მცირე ულუფაა შაქრის, მარილის ან შოკოლადის გარეშე.

თხილეულის რეგულარული მიღებით მცირდება
გულ-სისხლძარღვა სისტემის დაავადებების რისკი 60-70 წლის ადამიანებში. ნიგვზის და თხილეულის დადებითი ეფექტი უკავშირდება ანთების მაჩვენებლის შემცირებას. მნიშვნელოვნად მცირდება სისხლში ანთების ისეთი მარკერის კონცენტრაცია, როგორიცაა ინტერლეიკინი -1β, მძლავრი პროანტებითი ციტოკინი, რომლის ფარმაკოლოგიურ ინაქტივაციას უკავშირდება

გულის იშემიური დაავადების სიხშირის შემცირება.

მეცნიერების განმარტებით, ქრონიკული ანთება წარმოადგენს კრიტიკულ ფაქტორს გულის შეტევისა და ინსულტის ძირითადი მიზეზის - ათეროსკლეროზის განვითარებასა და პროგრესირებაში.

author:ლალი ჩხიკვაძე