აშშ-ის კონგრესის დელეგაცია საქართველოს ეწვევა
აშშ-ის კონგრესის დელეგაცია, სენატორ ჯინ შაჰინის ხელმძღვანელობით, საქართველოს ეწვევა, - ინფორმაციას საქართველოში ამერიკის შეერთებული შტატების საელჩო აცხადებს.
მათივე ინფორმაციით, ვიზიტი მომავალ კვირაში შედგება.
„კონგრესის დელეგაცია, სენატორ ჯინ შაჰინის ხემძღვანელობითა და სენატორ რობ პორტმანის მონაწილეობით, საქართველოს მომავალ კვირას ეწვევა, რათა გააჟღეროს ორპარტიული გზავნილი, რომ ამერიკის შეერთებული შტატები ქართველ ხალხს მხარში უდგას ქვეყნის დემოკრატიის გასაძლიერებლად“, – აღნიშნულია საელჩოს ინფორმაციაში.
