სასაფლაოსთან კომაში მყოფი 3 ახალგაზრდა იპოვეს - მათ დაუდგენელი და საშიში ნარკოტიკი მიიღეს

მცხეთა-მთიანეთის სოფელ ძნელისში სამმა ახალგაზრდამ გაურკვეველი ნარკოტიკული ნივთიერება მიიღო, რის შედეგადაც ისინი კომაში ჩავარდნენ.
"ფორმულას" ინფორმაციით, ორი ახალგაზრდა ამ დრომდე რჩება მცხეთაში, ჯეო ჰოსპიტალში, რეანიმაციულ განყოფილებაში. მესამე - მდგომარეობიდან გამოვიდა.

ის პოლიციამ უკვე დაკითხა.

"ფორმულას" წყაროს ცნობით, პოლიციამ სავარაუდო ნარკორეალიზატორის კვალსაც მიაგნო.

ტელეკომპანიის ინფორმაციითვე, ერთ-ერთი ვერსიით, უკანონო გზით შეძენილი ნივთიერება გაცილებით უფრო საშიში და მძიმე აღმოჩნდა, ვიდრე ამას ახალგაზრდები ელოდნენ.

ერთ-ერთის მშობელმა ბიჭები უგონო მდგომარეობაში სასაფლაოსთან იპოვა.

კერძოდ: წყარო "ფორმულას" უყვება, რომ ახალგაზრდებმა ნარკოტიკული ნივთიერება შავ ბაზარზე ნარკორეალიზატორთან შეიძინეს.

თუმცა, ნივთიერება, რომელიც მათ შეუკვეთეს, სულ სხვა და ბევრად საშიში აღმოჩნდა.

კომაში მდგომარეობაში მყოფი ერთ-ერთი ბიჭის ნათესავი აცხადებს, რომ ახალგაზრდები სოფლის სასაფლაოს ტერიტორიაზე ავტომობილით იყვნენ.

მათ საშიში ნარკოტიკული ნივთიერებები უკვე მიღებული ქონდათ, რა დროსაც სასაფლაოს ტერიტორიაზე ერთ-ერთი ბიჭის დედამ გაიარა და უცნაური ხმა შემოესმა, ადგილზე მისულმა კი ნახა, რომ თავისი შვილი და მისი 2 მეგობარი უგონო მდგომარეობაში ძირს იწვა, რის შემდეგადაც დასახმარებლად მეზობლებს და სასწრაფო დახმარების ბრიგადას დაუძახა.