მტკვარში ადამიანს ეძებენ
თბილისში, მდინარე მტკვარში ადამიანს ეძებენ. საძიებო-სამაშველო ოპერაციაში 20-მდე მაშველია ჩართული, მათ შორის არიან მყვინთავები, გამოიყენება მცურავი საშუალებები და ასევე, ფსკერის სკანირების სპეციალური მოწყობილობა.
სამძებრო-სამაშველო ღონისძიებები მას შემდეგ დაიწყო, რაც თვითმხილველმა 112-ში დარეკა და შეატყობინა, რომ, სავარაუდოდ, მდინარეში ადამიანი გადავარდა.
დამატებითი დეტალები ამ დროისთვის უცნობია.
