ტრანსფერი შეიძლება მალე შედგეს, კვარაცხელია თანახმაა "პსჟ“-ში იანვარში გადავიდეს - ფაბრიციო რომანო
"ნნაპოლის“ ფეხბურთელი ხვიჩა კვარაცხელია თანახმაა „პარი სენ-ჟერმენში“ მიმდინარე თვეში გადავიდეს, - ამის შესახებ ინფორმაციას ფაბრიციო რომანო ავრცელებს.
ცნობილი ინსაიდერის ცნობით, კვარამ „პსჟ“-ში ტრანსფერისთვის მზაობა უკვე დაუდასტურა ორივე მხარეს, ხოლო კლუბები დღეს უშუალო კონტაქტში არიან.
პარიზელები დაახლოებით 80 მილიონ ევროს იხდიან, შეიძლება გარიგებაში მილან შკრინიარიც ჩართონ, თუმცა, ბოლო ინფორმაციით, სლოვაკის მაღალი ხელფასიდან გამომდინარე „ნაპოლი“ არაა თანახმაა გარიგებაში მის ჩართვაზე და მხოლოდ კვარას პირდაპირ გაყიდვაზეა თანახმა. მოლაპარაკებები მიმდინარეობს და კარგად ვითარდება. დიდი შანსია, რომ ტრანსფერი წარმატებით ძალიან მალე, უახლოეს დღეებში დაიხუროს.
ამასთან, წერენ, რომ ხვიჩა კვარაცხელია და „ნაპოლი“, შესაძლოა, ერთმანეთს რამდენიმე დღეში დაემშვიდობონ, სიახლე სულ უფრო და უფრო სანდო ხდება. იყო კონტაქტი პსჟ-სთან, მაგრამ გარიგება მხოლოდ ნეაპოლელთა პირობებით გაფორმდება - 80 მილიონი ევრო.
შეგახსენებთ, რომ ხვიჩა კვარაცხელია „ნაპოლიში“ 2022 წელს გადავიდა და მას შემდეგ 107 მატჩში 30 გოლი გაიტანა, ხოლო 24-ჯერ საგოლე პასი მიითვალა.
🚨🇬🇪 Khvicha Kvaratskhelia has definitely opened doors to January exit. PSG, on it.
Paris Saint-Germain, favorites and in direct contact with Napoli — as revealed today.
Package around €80m discussed while Kvara’s camp in talks with PSG over personal terms, progressing well. pic.twitter.com/lIFmbFlk9i — Fabrizio Romano (@FabrizioRomano) January 9, 2025
