რა პროცენტიც არ უნდა აიღოს "ქართულმა ოცნებამ", არჩევნები 2024 წელს ჩატარდება - კახა კალაძე
რა პროცენტიც არ უნდა აიღოს „ქართულმა ოცნებამ“, ის ჩატარდება კონსტიტუციით განსაზღვრულ ვადებში, 2024 წელს, - ამის შესახებ თბილისის მერობის კანდიდატმა, კახა კალაძემ ჟურნალისტებთან განაცხადა.
"როგორც ხედავთ, ჩვენ წინასაარჩევნო კამპანიას ვატარებთ და მაქსიმალურად ვცდილობთ, რომ საზოგადოებას სრული ინფორმაცია მივაწოდოთ სამომავლო გეგმებთან დაკავშირებით. ჩვენ გვსურს, რომ ხალხს გავაგებინოთ, თუ რას გავაკეთებთ, რა გამოწვევები და სირთულეები გვაქვს.
ეს არის ადგილობრივი არჩევნები, ხოლო რაც შეეხება საპარლამენტო არჩევნებს, რა პროცენტიც არ უნდა აიღოს „ქართულმა ოცნებამ“, ის ჩატარდება კონსტიტუციით განსაზღვრულ ვადებში, 2024 წელს. შარლ მიშელის დოკუმენტი, სამწუხაროდ, არ არსებობს“, - განაცხადა კახა კალაძემ.
საქართველოში თვითმმართველობის არჩევნების 2 ოქტომბერს ჩატარდება.
