TIA.GE - ინტერნეტ ტელევიზია
უგემრიელესი და უნაზესი ჩიტის რძე
  • უგემრიელესი და უნაზესი ჩიტის რძე

    ინგრედიენტები:

    კვერცხის გული - 6 ცალი
    შაქარი - 100 გრ
    ზეთი - 100 მლ
    რძე - 250 მლ
    კაკაო - 3 სკ
    ფქვილი - 2 ჭიქა
    გამაფხვიერებელი - 1 შეკვრა
    ვანილი
    მწიკვი მარილი

    ინგრედიენტები ბეზესთვის:


    კვერცხის ცილა - 6 ცალი
    შაქარი - 300 გრ
    მწიკვი მარილი
    მწიკვი ლიმონმჟავა
    ინგრედიენტები მინანქრისთვის
    კაკაო - 4 სკ
    შაქარი - 4 სკ
    წყალი ან რძე - 4 სკ
    კარაქი - 30 გრ

    მომზადების წესები:

    კვერცხის გული, შაქარი, მწიკვი მარილი, ვანილი გავთქვიფე გათეთრებამდე ესე 7 წთ. დავასხი ნელ-ნელა ზეთი, რძე, მშრალი ინგრედიენტები ავურიე ერთმანეთში და დავაცერი ამ მასას. ავთქვიფე 3-4 წთ-ით. ჩავასხი ფორმაში და გამოვაცხვე წინასწარ გახურებულ ღუმელში ზედა-ქვედა წვაზე 180 გრადუსზე. მზაობა შეამოწმეთ ხის ჩხირით.

    მოხარშული ბეზე:

    ცილა ჩავასხი ცეცხლგამძლე თასში + მარილი, შაქარი და დავდგი ორთქლზე (თასი არ უნდა ეხებოდეს წყალს), ვთქვიფოთ 7-10 წთ-ით, სანამ შაქარი არ გალღვება და მივიღებთ მყარ ბეზეს + ლიმონმჟავა. შემდეგ გადმოვდგათ და ვთქვიფოთ ისევ, დაახლოებით, 7-10 წთ ბეზეს შეციებამდე, უნდა იყოს მყარი.

    მოხარშული ბეზე გავანაწილე გაციებულ ბისკვიტზე, ღუმელში შედებას აღარ საჭიროებს და მოვასხი მინანქარი.

    მინანქარი:

    კაკაო, შაქარი და წყალი (არ რძე) დავდგათ გაზზე, ვურიოთ. შაქარი რომ გალღვება და წამოდუღდება, გადმოვდგათ და +30 გ. კარაქი

    რეცეპტი ინგა ჩიქოვანს ეკუთვნის.

    gemrielia.ge
    594 ნახვა