თბილისის მერის მოადგილეობის კანდიდატებად ნიკა მელიამ მამუკა ხაზარაძე და ზურაბ ჯაფარიძე წარადგინა
თბილისის მერობის საერთო ოპოზიციურმა კანდიდატმა, ნიკა მელიამ კოალიციური გუნდის წარდგენისას, დედაქალაქის მერის მოადგილეების კანდიდატებად "ლელოს" ლიდერი, მამუკა ხაზარაძე და "გირჩი -მეტი თავისუფლების" ლიდერი, ზურაბ ჯაფარიძე დაასახელა.
გარდა ამისა, "ნაცმოძრაობის" თავმჯდომარემ, თბილისი მერის მოადგილეობის კანდიდატებად ელენე ხოშტარია და ირაკლი აბესაძე წარადგინა.
თვითმმართველობის არჩევნების მეორე ტური თბილისსა და კიდევ 19 სხვა ქალაქში 30 ოქტომბერს გაიმართება.
