პრეზიდენტმა კობა დავითაშვილი სიკვდილის შემდეგ, ღირსების მედლით დააჯილდოვა
პრეზიდენტმა, სალომე ზურაბიშვილმა " ხალხის პარტიის" ლიდერი, ოთხზის პარლამენტარი, კობა დავითაშვილი სიკვდილის შემდეგ, ღირსების მედლით დააჯილდოვა.
"დღეს, 7 ნოემბერს საქართველოს პრეზიდენტი ამ გადაწყვეტილებით და ქართველის ხალხის სახელით, კიდევ ერთხელ გამოხატავს მადლიერებასა და პატივისცემას კობა დავითაშვილის, როგორც 2007 წლის 7 ნოემბრის მსხვერპლის მიმართ, იმ პოლიტიკოსის მიმართ, რომელმაც საკუთარი ჯანმრთელობა და სიცოცხლე შესწირა ქვეყნის მომავლისთვის ბრძოლას და სამართლიანობას!",- წერს სალომე ზურაბიშვილი ფეისბუქზე.
კობა დავითაშვილს 2017 წელს ე.წ. ბეხტერევის დაავადება დაუდგინდა. 2020 წლის 2 დეკემბერს გარდაიცვალა.
