საქართველომ იანვარ-მარტში 38%-ით მეტი ივაჭრა, ვიდრე წინა წლის იმავე პერიოდში - საქსტატი
საქართველოს სტატისტიკის ეროვნული სამსახურის ინფრომაციით - 2022 წლის იანვარ-მარტში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 3 866.8 მლნ. აშშ დოლარი შეადგინა, რაც წინა წლის შესაბამისი პერიოდის მაჩვენებელზე 38.0 პროცენტით მეტია. აქედან, ექსპორტი 1 171.8 მლნ. აშშ დოლარი იყო (43.3 პროცენტით მეტი), ხოლო იმპორტი 2 695.0 მლნ. აშშ დოლარი (35.8 პროცენტით მეტი). უარყოფითმა სავაჭრო ბალანსმა 2022 წლის იანვარ-მარტში 1 523.2 მლნ. აშშ დოლარი და საგარეო სავაჭრო ბრუნვის 39.4 პროცენტი შეადგინა.
