რუსული გაზის წინააღმდეგ სანქციებს უნგრეთი მხარს არ დაუჭერს - უნგრეთის საგარეო საქმეთა მინისტრი
უნგრეთის საგარეო საქმეთა მინისტრმა, პიტერ სიიარტომ განაცხადა, რომ უნგრეთი მხარს არ დაუჭერს სანქციებს რუსული ნავთობისა და გაზის წინააღმდეგ.
"უნგრეთში ჩვენ ნათლად განვაცხადეთ, რომ მზად არ ვართ განვიხილოთ რაიმე სანქციები გაზის მიწოდებაზე. ჩვენ გვაქვს ორი გრძელვადიანი კონტრაქტი - ერთი „გაზპრომთან“, მეორე - Shell-თან. ახლა კი, ამ მოცულობების გარდა, დამატებით 700 მილიონ კუბურ მეტრ გაზს შევიძენთ, რადგან ეს არის პრინციპული მაქსიმუმი, რომლის შენახვაც შეგვიძლია ჩვენს საწყობებში ზამთრის სეზონის დაწყებამდე. ჩვენ უკვე დავიწყეთ კომერციული მოლაპარაკებები“, - განაცხადა სიარტომ.
