კალიფორნიაში ხანძარს 25 ადამიანის სიცოცხლე ემსხვერპლა
კალიფორნიაში ხანძარს 25 ადამიანის სიცოცხლე ემსხვერპლა, 13 მოქალაქე უგზო უკვლოდაა დაკარგული. მასშტაბურმა სტიქიამ შტატის ქალაქებსა და დასახლებებში 23 ათასი ჰექტარი ტერიტორია გაანადგურა. ქრობის პროცესის პარალელურად, რისკის ზონაში სამძებრო-სამაშველო ოპერაცია მიმდინარეობს.
სტიქიის გავრცელების არეალი 90 ათას კვადრატულ კილომეტრზე მეტია. ქრობის პროცესს რთული რელიეფი და ძლიერი ქარი ართულებს. მეტეოროლოგების პროგნოზით, ქარიშხალი, რომელიც ხანძრის გავრცელებას ხელს უწყობს, გაძლიერდება და მისი სიჩქარე საათში 113 კილომეტრი იქნება.
