ჯერ ვერც უარყოფენ და ვერც ადასტურებენ ტუბერკულოზის ქონა-არქონის საკითხს - შალვა ხაჭაპურიძე სააკაშვილზე
საქართველოს მესამე პრეზიდენტის, მიხეილ სააკაშვილის ადვოკატი, შალვა ხაჭაპურიძე აცხადებს, რომ ექიმები ვერც ადასტურებენ და ვერ უარყოფენ ტუბერკულოზის ქონა-არქონის საკითხს.
"ჯერ ვერც უარყოფენ და ვერც ადასტურებენ ტუბერკულოზის ქონა-არქონის საკითხს. სახსარის ტკივილთან დაკავშირებითაც რაიმე კონკრეტული დიაგნოზი არ დასმულა. აბსოლუტურად ხმამაღლა შეიძლება ითქვას, რომ გაურკვეველი დიაგნოზების საკითხი დგას.
დარწმუნებული ვარ, რასაც „ვივამედის“ ექიმები აცხადებენ, იმავეს გაიმეორებენ და იტყვიან, რომ აქვს ადაპტაციური აშლილობა და სტრესი. მათ პოზიციას საკმაოდ სერიოზული გამოცდა ელოდება სასამართლო პროცესზე. თავშივე მინდა გავაფრთხილო“, - აცხადებს ხაჭაპურიძე.
